Beta aap exactly kya help maang rahee hain? yeh bahut hee common stithi hai. Jis tareh se mardon mein ling mein tanaav aana sex ki uttejna ki nishani hai, us hee tareh, yoni mein geelapan ya apne aap ko sehlaane ki ichcha bhi wasie hee hai. Jab tak aap apne aap ko koi haani ya takleef nahin pahucha rahee, isme koi pareshan hone ki baat nahin. 
yeh lekh bhi padh leejiye : http://goo.gl/CYo23

Waise toh HAR kisi ke shareer mein ek side doosre side se thoda bada hota hai, kaan, haath, sthan, andkosh, paon... lekin yeh itna saaf nazar nahin aata. Jaise yadi aap apne haath par apna hee doosra haath rakhey toh aap dekh saktey hain ki ek side thoda sa bada hai, hain na? Us hee tareh breast size mein bhi maamooli sa phark hota hai. Lekin yadi dono breast size mein bahut hee zyada phark dikh raha hai toh unhe bhi doctor se salaah toh leynee hee chahiye, apni jaankari ke liye, swasthy ke liye. Vivahit jeevan par uska kya asr hoga , yeh toh main nahin keh saktee. Ek baar doctor se milen mein koi hraz nahin... ap sab ko itminaan ho jayega.

Partners ke beech sex mein dard aur takleef ka koi role nahin. yadi yeh ab bhi ho raha hai toh ho sakta hai woh theek tarh se relxed nahin , ya sex ke liye ready nahin hain. Us mein thoda waqt deejiye, ki unki body ling ko andar lene mein tayyar ho aur dard ka ehsaas kum ho. yeh padh leejiye , please http://goo.gl/IZVvp

Beta sabse bahumulya baat, aap apni girlfriend ko trust kartey hain ya nahin? Kya aapke mann mein unke prati koi shaq hai- jo ki yahan dikhayee de raha hai... toh phir humare laakh manane par bhi, aapko koi santushti nahin milne waali.
Ladki ne sex keeya hai ya nahin iska AAM pranam hai pehli baar sex karne mein jhilli ka tootna. LEKIN yeh bhi aam baat hai ki yeh koi pucca pramaan nahin. Jhilli kisi bhi vajeh se toot saktee hai, yeh aapko pata hona chahiye... tez daudne se, scooter pe baithne se, baith ke poncha lagane se, sports ya khel kood mein.
Yadi aapse koi pooche ki aapke paas kya saboot hai virgin hone ka, toh de saktein hain?
Betaji pehle Trust aur Vishwaas... phir pyaar. Aur chalo maan lo unka kisi ke saath tha bhi, toh kya hua beta... unka vyvhaar, aacharan, aapke prati prem... in sab ka koi mulya nahi? Sirf ek yehi cheez ka mahtv hai?
Thande dimaag se sochiye.

Hmmm. Yadi mahila ko sex mein uttejna na mile, ya excitement na badhe, toh orgasm hone mein bahut lamba samy lag askta hai. Pehle yeh pata lagaiye ki unhe sabse adhik uttejna kahan kahn hoti hai. Kya aapne Clitoris ya Titni ke baare mein suna hai? http://goo.gl/yZuRe, yeh zarror padh leejiye.
Ab rahee baat Family Planning ki, Bahut hee achcha idea. Lekin discharge bahar karna, NOT SAFE, bilkul surakshit nahin! Aaj ki taark mein bahut se upay hain, IUD un mein se ek hai, lekin aam taur par ek bachche ke baad suggest keeya jaata hai. Please yeh link padh leejiye aur chahein toh kisi achche doctor se bhi mil leejiye. All the best. http://goo.gl/GrXoV

Umm Hmm!! beta kya aap logon ne Home pregnancy jaanch kar lee hai? Kisi bhi chemist se aapko yeh chota sa test kit mill jayga, lag bhag Rs.100. Usme pregnanacy ki jaanch ghar me hee ho saktee hai. Pehle woh kar lo.
App medicine ke liye pooch rahein hain toh isse lagta hai ki shayad apki gf pregnant hain. Beta medicine toh mere paas nahin, yeh sirf aur sirf ek medical doctor hee kar saktey hain. PLEASE kisi panjeekrit seva ya swasth kendra par jaaiye, TURANT.
Aap keh rahein hain ki woh ghar s ebahar nahin aa sakteen, koi raasta dhoondhna hee hoga, akhir aap log mil bhi toh rahe they, tab to woh bahr aa hee raheen theen na. 
Abhi jaldi hee doctor se milleyngey toh dawai ke raste kuch ho sakta hai, varna thoda sa bhi aur delay hua to proper garbhpaat karvana padega... yeh soch leejiye.
Aur apni gf se poochiye, ki Aunty pooch raheen hain, ki marreid aadmi ke chakker mein kyoun padee hui hai.
JALDI KEEJIYE,  yeh sirf unki nahin, aapki bhi bahut badi zimmevari hai.

OK sabse pehle, sex keeya hai ya nahin, yeh koi nahin bata sakta. Iska koi praman nahin hai!! Poori kahani ek jhilli ya hymen pe tiki hui hai jo ki kisi bhi waqt toot saktee hai , jaise ki cycle chalana, tez bhaagna, sports khelna, yahan tak ki baith kar poncha karna. OK? So yeh bata paana ki ladki "kuwaari" hai ya nahin, bahut hee kathin hai.
Ab beta, jo ho gaya so ho gaya. Tumhaari shadi tay hai, ek naya , naveen rishta banane ka time hai, aur tum banane ke bajay use shuru bhi nahin hone de rahee?! Yeh time hai ek doosre ko jaane ka, pehchanne ka, pyaar aur mohabbt ka... unke mann mein kitne armaan ho saktey hain, unhe samjhne ka... ek rishte mein jude ka haseen waqt aur tum yeh sab gavan chahtee hao, kisi darr ki vajeh se? Darr aapko hai, aur tum apne mangetar ke saath pyaar se behave nahin kar rahee, isme us bechare ki kya galti hai??
Come on now. Ab chalo, is response ko 2 baar padho, ek lambi saans lo, aur apne ""hone wale sir" ko ek sweet sa sms bhejo!! Beta abhi daali hui neev aapke aane waali zindigi ko phoolon aur khusbu se bhar deygee, theek use hee tareh jaise ki aapke shaadi ke din pe aapke gajre ke jaise, aapki haathon ki mehndi ke jaise. 
Come on now... ek sms ho jaye aur phir ek date... jisme aap unhe bahar le jayein, ek chote gift dein, ya kuch bana ke ley jayein... aur Apni Aunty ke naam unhe ek thanda sa Nimbu Paani treat karein!!
Mehendi hai rachne waali... 

O Bhai saheb, yeh Hymen hai, koi Purane Kille ki deewar nahin, jo ki bahut mushkil se toote ya jis pe koi Phateh hasil karne hai!!
Jhiili ya hymen, bahut aasani se toot jaati hai, zameen pe baithe hue poncha kartey hua, tez bahgety hu'e, sports mein, cycle ya scooter pe baithey hu'e. Leejiye, yeh padh leejiye : http://goo.gl/9HC65

Common ling size pe jaankari yahain haasil keejiye :http://goo.gl/4ry0F
sex mein santushti ka ling ke size se nahin lekin aap apne partner ke saath kitna achcha sex kartey hain , kiss se unhe bhi santushthi mile, yeh badi baat hai. Aur hast maithun se oi nuksaan nahin.
Kya aapki gf hai? Kya aapko sex ka koi bhi anubhav hai? So phir kaise keh rahin hain ki satisfy nahin payenge... ling ka size badhana hai... kiss "gyaani" ne aapko yeh bataya hai... Blue Films ne?!! pehle "problem" aane toh do... yah pehle se hee man hee man , soche baithe ho!!

Kehna mushkil hai kyounki dates ka itna pukka pata nahin chalta. so us baat ko hilhaal rehne deyety hain. Yes 2- 3 boond se bhi pregnancy ho saktee hai. 
Yadi period na aye toh aapko ek doctor ke paas jaana hoga. Yadi woh concieve kar chuki hain toh doctor hee guide karegengee ki kaun see dawaiyon ka upyog theek hoga, yaad rakhiye yeh woh dawa nahin hai jiske adverstisement aap TV pe dekhtey hain... woh emergency goili hai, jo ki unsafe sex hone ke phoren baad lene hoti hai. Woh samay toh guzar gaya. Ab yadi gf pregnant hain toh yeh dawaiyen medical abortion kehlateen hain... ONLY ek proper doctor ke zariye keejiyega.
Bahut risks leyetey hain aap log... yadi sharer aapka hota na bachu ji, toh phir mein dekhtee... ab shareer gf ka hai, toh kuch bhi chalega kya?? Aur tum ladkiyan, wasie toh bade naare lagatee ho equality ke, aur aise samay pe bilkul mitti ke maadho ban jaati ho? Apne shareer ko respect karna swayaun seekho... phir kisi aur se umeed rakho.

1-2 ghante baad sperm bahar aa jaatey hain? Matlab? Yoni se veerya jaisa? Kya aap yeh keh rahee hain?
Isse koi pharq nahin padta. Verya ( mard ka paani) mein shukranu ( mard ka anda) bahut tezi se daud kar mahila ke ande se milne ki koshish karta hai... so yadi preganacy honi hai toh woh toh apne aap jald se jald mel ho jayega. Veerya andan rahe chahe bahar aa jaye, usse koi asar nahin.
All the best. Yeh padh Leejiye, sabhi links bhi : http://goo.gl/3nCZp

Beta , maine aapka sawaal subah hee dekh leya tha lekin us waqt mein aap se bahut hee naaraz ho gayee thee  isliye aapko daantna nahin chahatee thee. 
Beta kya tum ladkiyoun ko apne aap ko aur apni body ko koi respect - aadar dena nahin aata? Misoprostol koi emergency contraception nahin, , I pil vigereh jaise... woh bhi itna harm kar saktey hain aur aap  15- 20 baar yeh ley chukin...?? Matlab yeh kaisa pyaar hai? Ki aapne apne shareer par apne aap, itna hamla keeya hai. I am really sad to hear this, very sad.
Ab kyounki do saal ho chukein hain, ab waqt aa gaya hai ki aap ek achchi doctor se mile... kuch bolene batane ki zaroorat abhi nahin, pehle test results aane deejiye. yadi phir woh samkh nahin paa raheen ki kya ho raha hai, toh phir unhe confidence mein le ke unke saath thoda share kar sakte ehain, Yadi aapo un par bahrosa ho toh. 
Kisi jaani maani doctor se appointment leejiye, fertility specialist hon toh behtar.
All the best beta... ab aur main kya kahon, main khud tumhaari chinta mein hoon.

Pregnancy ke chances sirf tab hain yadi semen yani ki veerya yoni mein pravesh kar jaye, chahe woh kewal ek do boond hee kyoun na ho.
OK now. Pregnancy se bachene ke liye, bahut se bahut achche upay hai, aap unka istmaal shuru keejiye na!! Condom, OCP, IUD... kitney hee hain... preganancy se bachen ke liye, sex hee na ho... yeh pucca tareeka toh hai, lekin zyada dilchasp nahin!! 
Lo yeh padh lo, aur daaj ki evening walk, chemist kee tarf ki socho!! All the best. http://goo.gl/2rtBA

Guda maithun aam taur pe isliye mushkil ho sakta hai kyunki woh jageh bahut tight aur sookhi hai. iske liye dono partnr bilkul relax rahein aur condom ka saath hee saath chiknai yukt padarth, jaise ki KY Jelly, Duragel jo ki pani based hote hain, sirf un hee ka istemaal karein. Condom mein chiknai aur suraksha dono hai.
veerya andar lene mein koi aisee pareshani nahin, yeh partners par hee nirbhar hai.

Beta Swati, saaf saaf baat. Bache jab tumhe karna hee nahin hai, toh duvidha kaisee? yes yeh bhi possible hai ki woh aapko nazdeek laana chahtey hon, ok, yeh unke mann ki baat hai, lekin aap jab ready nahin, mann se, dil dimag se, toh phir toh yeh zabardati hui na... Just say NO. Unhe samjha do, us waqt nahin jab woh aap par iska zor kar rahe hon, lekin usse pehel, bina gussa ya naraz hue... ki mein abhi tayyar nahin. yeh bhi keh deejiye ki yadi yeh aisa hee chalta raha toh rishte mein darar aane mein waqt nahin lagega, hain na?
Beta sex hum tab karte hain jab hum poori tareh se ready hon isse sweekar kartey hon, iska matlab aur iske parinaam pehchantey hon aur uske liye zimmedar hon. Is liye nahin ki koi humein majboor kar raha ho ya haume darr hai ki kahin woh hume is vajeh se chod na de, tyaag na de... yeh toh beta blackmail hua na?!
Apni baat saaf saaf batao, samjhao, ek nahin baar baar. Lekin kisi bhi kism ke behkave mein mat aao...yeh meri salah bhi hai aur guzarish bhi. Yadi koi bhi BF aap pe kisi bhi kism ka zore daal raha ho, chahe woh pyaar ka vaasta ho, ya dosti ya, cahe woh dhamki ho ya darr, yeh sab shoshan ke roop hain. 
Pyaar mein sabse badi jageh hai izzat aur samman ki, yadi woh nahin, toh pyaar bhi shayd nahin.
All the best Swati, Iam sure tum ek sahi phaisla logi.

aanti ji mai apane bf ke sath ek bar sex kar chuki hun kehete hai ki sex hone ke bad sharir ka vikas nhi ho sakata mere bf ko mene ye samjaya tha lekin vo man nhi raha tha to mujhe ye karana padha vaise to hamare rishte se hum dono ke ghar vale khush hai or 3 sal ke bad hamari shadi bhi karvane vale hai

Beta ji , Aapko toh mein jawaab dey chuki hoon, aapne padha nahin?  beta aapki aunty ki memory bahut tezz hai, aap log bhool sakteyhao, lekin amuman Auntyji aapko yaad rakthee hain. yeh raha :

Yeh Lo!! Subah ek madam keh

Submitted by rnw on मं, 03/26/2013 - 10:59.

Yeh Lo!! Subah ek madam keh rahee thee kum karna hai, ab yeh choti madam keh rahee hai badhana hai!!
Beta, tum abhi itnee choti ho, abhi body ka poora shape aaya kahan hai... thoda time do beta. Body ko develop hone do, theek se. Tab tak, ek achchi quality ke, proper fitting ke undergarments le lo. Thoda pocket money bacho, ya mummy se keh ke birthday present mein yeh maang lo... unhe bhi yeh slah do , ki achci qulaity aur achi fitting- koi zyada fancy type nahin.
Dont worry beta, jaise thoda weight gain karogee, body apna final shape leygee tumhari body bhi proportion mein aa jayegee, chahe breast size bada ho ya chota, usse koi pharkh nahin padta.
Mere Pitaji kehte they, ladkiyoun ko Kamar Kheech ke chalna chaiye, aur aaj yoga waale bhi yahi kehtey hain. Apni poori lambai mein, kandhe peeche, bilkul Tann ke, jaise ki Duniya ki Raani hao, Raani Beti, tum sab. 

Happy Holi beta!!

No Need for Chinta beta ji!! Jitnee adhik uttejna uta jaldi patan... bas!! So aap chinta kyoun kar rahien hain, aapko to kisi ko kuch dikhan - batana nahin hai, hastmaithun toh apne anand keliye hai.. so phir kya worry? Jab sex ki baat ayegee aur yadi yeh ho, jo ki Bhaut hee comon hai- tab aap partner ki santushti pe zyada aur apni pe kum time deytey hu'e apni timing set kar saktey hain, So abhi ke liye, relax.

Nahi jaana jaa sakta!! Not at all. Koi certificate toh hai nahin!! Achcha yeh bato ki yeh jaankari se kya laabh, sirf yeh hai ki aapko har kisi ke saath bilkul surakshit rehna hai, condom humesha use karna hai.
Ladki Virgin hai ya nahin, iska koi pramaan nahin, theek usse tareh jaise mard virgin hai ya nahin, achcha sex kar payega ki nahin, uska bhi koi pramaan nahin.

OK, beta aap bahut see batein keh rahe hain, ek ek kar ke dekhtey hain.
Jahan tak pregnancy ka sawaal hai, uske liye PLEASE ek nahin 2-3 doctors se salah leejiye, better ho yadi sarkari doctor ya hospital ho. Pregnant hone ke liye ling ka pravesh yoni mein hona aur discharge bhi yoni mein hona sabse ahem hai. Sex un dino mein ho jin mein mahila ka anda utsarjit hota hai toh woh bahut better hai, iske liye aapki wife ka period cycle bilkul nirdharit hona chahiye- yeh sab jaankari doctor se lo.
Yoni mein se badbu theek nahin. Yeh ek infection ke kaarn ho sakta hai, ya phir yadi mahila ko apni saaf safai pe aur zyada dhyan dena hai, yoni ke aas paas saaf paani se dhona, saaf towel se ponchna, saaf aur sooti underwear pehena... yeh sab baatein.
Ling loose isliye ho jaata hai yadi sex mein ruchi kam ho... kisi baat se sex se mann hat jaye, so sex ke samay sirf us par hee dhayan rahkien aur partner ko bhi prarit karien ki woh sex mein kuch naye cheezein karein ya apna yogdaan badhayein.
doosri mahilon ke baare mein soch ke sex karna ek niji phaisla hai,  jab tak kisiko is se koi takleef nahin ho rahee.
All the best beta aur doctori salah zaroor ley leejiye.

Yeh batao, ki ladkon ko dekh kar bata saktein hain... ki sex keeya ki nahin? Nahin na... toh ladkiyoun mein aisee kya baat hain, hain? Haan ek baat to sahi hee hai, ki yoni bahut lacheelee aur narm see hoti hai, so zyadatar ling ke size ko adjust kar saktee hai, lekin tab jab yoni mein chiknai ho, relaxed ho. varna chota size ka ling bhi bahut dard aur takleef kar sakta hai...so zaroori yeh hai ki yoni mein chiknai ho, mahila razamand ho relaxed ho, tab yoni size ko adjust kar saktee hai. Aur haan, eyh koi bottl ka dhakkan toh hai nahin ki bilkul hee exact fit ho, kabhi nahi bhi ho pata to bhi theek hai.

18 saal k behan, khule misaaj ki- iska kya matlab hai, khule misaaj ki? woh aap se hans ke baat kartee hai, pragtisheel soch rakhtee hai... so aapne iska yeh matlab nikala ki woh aapke saath sex mein tayyar ho jayegee??  Ager yeh baat main door rakh bhi door ki woh behan hai, phir bhi kyaa unka misaaj aapke liye koi aamantran hai? Ho kya gaya hai tum ladko ko?
Ab rahee baat behen ki. aisa kyon nahin hota ki aap ke pados main ya office mein koi badhe audhe ki lady, ya koi Dhaakad type aurat ko dekh ke "ling khada ho jaata hai".... nahin, yeh nahin hota. Pata hai kyon kyounki aap aur aap jaise hazaron mard, Dartey hain, Kayar hain.
Apne se choti umar ki, ghar mein choti, aapse pyaar ya izaat se pesh aane waali par apni Dhons jama saktey hain toh unhe dekh ke aap log aakarshit ho jaate hain aur mauke ka phyda uthane ki sochte hain. Yeh Power hai, satta. Kisi Jhansi Rani type ko dekh ke toh yeh sab nahin hoga, tab to tum jaise ladka apne hee dono paon par phat khade ho kar Salut maarte hua nazar aaoge.
Apni soch swasth karo!!